Folúntas: Post mar Oifigeach Pleanála Teanga do Ghaeltacht Oirthear Chathair na Gaillimhe

Tuilleadh Eolais

Tá post mar Oifigeach Pleanála Teanga á thairiscint ag An Bruach Thoir CTR.

Is é An Bruach Thoir CTR atá freagrach as an bplean teanga do Limistéar Pleanála Teanga (LPT) Oirthear Chathair na Gaillimhe a chur i bhfeidhm. Ullmhaíodh an plean mar chuid den phróiseas pleanála teanga sa Ghaeltacht agus i gcomhréir le forálacha Acht na Gaeltachta, 2012. Is plean seacht mbliana atá i gceist a bhfuil beagnach cúig bliana fágtha air. Is é aidhm an phlean cur leis an líon cainteoirí laethúla Gaeilge sa LPT agus is ar an Oifigeach Pleanála Teanga a bheidh an phríomhfhreagracht an plean a chur i bhfeidhm.  Tá an plean teanga don LPT le fáil ar https://www.bruachthoir.com/

Is post ar chonradh trí bliana atá á thairiscint agus d’fhéadfadh go gcuirfí leis an tréimhse sin. Beidh an té a cheapfar freagrach as cur i bhfeidhm bhearta an phlean teanga. Beidh sí/sé fostaithe ag An Bruach Thoir CTR agus freagrach don cheanneagraíocht maidir le clár oibre aontaithe a fheidhmiú.

Beidh 37 uair oibre sa tseachtain i gceist le cúraimí an phoist seo agus beidh freastal ar chruinnithe taobh amuigh de ghnáth-uaireanta oibre mar chuid de na cúraimí sin. Tá scála tuarastail ó €36,450 agus €51,750 (ag braith ar thaithí) ag gabháil leis an bpost, chomh maith le deis a bheith rannpháirteach i scéim phinsin.

Duine cumasach, spleodrach a bhfuil taithí agus cáilíochtaí aige/aici i réimse oibre na pleanála teanga nó in ábhar gaolmhar atá á lorg.

Fáilteofar roimh iarratais ó dhaoine leis na tréithe seo a leanas:

Critéir riachtanacha

• Duine spleodrach, atá spreagtha go láidir le haidhmeanna phlean teanga An Bhruaigh Thoir a chur i gcrích

• Ardchaighdeán Gaeilge, idir labhartha agus scríofa

• Tuiscint agus taithí mhaith ar chúrsaí pleanála teanga, ar fhorbairt pobail agus i bplé le coistí/struchtúir phobail

Critéir a chuirfeadh leis an iarratas

• Duine le scileanna maithe cumarsáide, áisitheoireachta, comhordaithe agus idirphearsanta

• Duine féinspreagtha, atá go maith in ann a bheith ag obair ina n-aonar, agus a spriocanna féin a leagan amac

• Cáilíocht ábhartha tríú leibhéal sa réimse pleanála teanga nó in ábhar gaolmhar

• Taithí i mbainistiú agus i gcur i gcrích tionscadal

• Cumas caidrimh láidir a chothú le pobal An Bhruaigh Thoir

• In ann nascadh le comhghleacaithe i gceantair eile, chun foghlaim óna chéile, agus comhoibriú a dhéanamh

• Tiomantas le himeachtaí a phleanáil agus a reáchtáil agus feachtais a chur ar bun a ghríosóidh agus a spreagfaidh pobal An Bhruaigh Thoir

• Eolas agus taithí ar bhainistiú airgeadais

• Beidh an té a cheapfar lonnaithe i Tigh Mhaidhc Pháidín, Mionloch

San iarratas, bíodh na 3 dhoiciméad seo a leanas:

1. Litir iarratais (aon leathanach amháin), ag cur síos ar an gcaoi go gcomhlíonann tú na critéir thuas

2. CV

3. Sonraí teagmhála do  bheirt mholtóirí

Seoltar iarratas chuig: anbruachthoir@gmail.com (bíodh ‘Iarratas poist’ mar ábhar-líne ar do r-phoist)

Spriocdháta iarratais: 17:00 ar an 11 Samhain 2024. Eolas Breise: anbruachthoir@gmail.com nó 086 3444 945

Plean Teanga Gaeltacht Oirthear na Gaillimhe.

Cliceáil ar an mbosca thíos chun cóip a fháil

Cliceáil anseo - Plean Teanga Ghaeltacht Oirthear Chathair na Gaillimhe